Nigerian army sh0ot Iran drone for Sokoto?
A site of overnight Israeli airstrikes is pictured in the southern suburbs of Beirut on March 6, 2026. Heavy attacks were reported in Tehran on March 6 after Israel said it was hitting “regime infrastructure” in a “new phase” of the war it launched with the United States against Iran. As the conflict entered its seventh day, its regional repercussions continued — with Qatar saying it intercepted a drone targeting a US base, and Lebanon reporting the death toll from Israeli strikes had risen to 123. (Photo
Nigerian army shoot Iran drone for Sokoto?
On Monday, one Facebook page identified as DDL Hausa claim sey di Nigerian army shoot one stray Iranian drone for one village inside Sokoto state.
Di Facebook page post video wey show as drone crash for grass. (archived here).
Di page first claim sey di incident hapun for “Dan Musa village” inside Sokoto, but dem later change am, sey e hapun for “Dan Isah village” inside Sokoto.
Di page don gada pass 1,400 likes, 600 comments, and 90 shares
Di writing wey folo dey video dey for Hausa: “Wani Jirgin Iran Da Yayi Batan Hanya Ya Tinkaro Najeriya, Tuni Sojojin Nijeriya Sun Samu Nasarar Kakkabo Shi A Kauyen Dan Isah Dake Jahar Sokoto.”
“Nigerian soldiers don fall one drone from Iran wey miss road enta Nigeria for Dan Isah village inside Sokoto state,” di English translation of di writing tok.
Di post comot as Iran, di United States, and Israel dey fight war.
On February 28, di US-Israeli strikes for Iran kill Ayatollah Ali Khamenei, Iran supreme leader, and Abdolrahim Mousavi, di armed forces chief of staff.
Khamenei dota, grandchild, dota-in-law, and son-in-law bin folo die for di military operation
In response, Iran fire different missiles across di Middle East region, wey target US military bases for di United Arab Emirates (UAE), Kuwait, Saudi Arabia, Qatar, and Oman.
WETIN WE CHECK
CableCheck analyse one screenshot of di video for Google Lens. Result show sey di social media accounts belong to Rudaw network, one digital news network for di Kurdistan region of Iraq, wey post di video for dia X and Facebook page on March 1, 2026.
Di English translation of di writing wey folo di video tok: “One Iranian-made unmanned aerial vehicle crash for Gırdaçal village, affiliated with Erbil.”
#VİDEO – Erbil’e bağlı Gırdaçal köyüne İran yapımı bir insansız hava aracı düştü pic.twitter.com/AepRFLJdTF
— Rudaw Türkçe (@RudawTurkce) March 1, 2026
#VÎDEO – Ev drona Îranê li gundê Girdeçalê yê Hewlêrê ketiye xwarê#Israel#Iran #Tahran #Trump #طهران #تل_أبيب pic.twitter.com/Z67tV6zQ9A
— RudawKurdi (@RudawKurdi) March 1, 2026
Plenti media report tok sey Iran’s Revolutionary Guard Corps (IRGC) bin fire 230 drones for several facilities wey host US army for di Middle East, including base for Erbil inside northern Iraq and di Ali Al Salem Air Base and Camp Arifjan for Kuwait.
Dem bin use two drones target US military base and one hotel for Erbil.
Erbil na di capital city of di Kurdistan region for Iraq.
For di left corner of di video wey DDL Hausa post, di news platform logo tanda dia.
Also, no reports of any Iranian drone for Nigerian airspace since di war start don comot.
FINAL TOK
Di video wey show as unmanned aerial vehicle crash no be from Nigeria but Erbil for di Kurdistan region of Iraq.
